DFERIA Donostiako Arte Eszenikoen XXVII. edizioa martxoaren 15etik 18ra izango da eta aurtengo programazioak ETORKIZUNA gaia izango du ardatz.

Aurten 28 konpainia izango dira eta 28 ikuskizun eskainiko dituzte (41 emanalditan). Azpimarratu behar da ikuskizun asko (% 64) dFERIAn estreinatuko direla: bost mundu mailan (bi ikuskizunek gaztelaniazko bertsioa estreinatuko dute) eta hamahiru Euskal Herrian. Diziplinei dagokienez, programaren% 50 dantzari eskainiko zaio, beste% 39 antzerkiari eta gainerako% 11 beste diziplina batzuei.
Besteak beste, ikusgai izango dira Iratxe Ansaren  Al desnudo (Dantzaren Sari Nazionala),  Andaluziako Atalaya konpainiaren Elektra.25 edo Burgos-New York Dantz ikuskizuna (Burgos-New York-CICBUNY Nazioarteko Koreografia Lehiaketan saritutako lau dantza pieza).
DFERIAren webgunea: https://www.dferia.eus/2021/
2021ean hautatutako kartela Rebeka Elizegi collage ilustratzailearena da. “Kulturaren eta arte eszenikoen mundurako hain urte krudela igaro ondoren, antzerki mundua errepresentatzen duen pertsonai nagusi bat ilunpetik azaltzen da eszenara, espazio guztiari indarra eta energia berritua emanez” irudikatu nahi izan du egileak.
dFERIAko gai nagusia ETORKIZUNA izango da. Etortzekoa den hori. Susmoari so egin une zehatz bateko datuekin. Etorkizuna zehatz-mehatz asma al dezakezu? Zergatik interesatu eta interesatzen zaigu hainbeste? Etorkizunaz interes hori, nola hausnartzen da arteetan? Etorkizuna benetan existitzen da? Erlijio batzuek etorkizunaren ezjakintasunak sortutako ziurgabetasunean jarri dituzte oinarri teologikoak. Norberak bere etorkizunean eragin dezake?