13 y martes

Jean-Pierre Martinez idazle eta gidoilari frantziarraren lan honek lagunarteko afari batera gonbidatzen gaitu, ustekabeko egoerak eta sorpresa bat baino gehiago ekarriko dituena.

Jeronimok eta Patriciok beste lagun-bikote bat gonbidatu dute afaltzera. Baina andrea bakarrik etorri da, lur jota. Jakin berria da bere senarra Parisera zekarren hegazkina itsasora erori dela.

Albisteen zain daudelarik, alargun izan litekeenaren senarra bizirik atera direnen artean ote dagoen edo ez jakiteko, bat-batean bikotea ohartzen da astearte —hilak 13— horretako loteria primitiboaren sari nagusia irabazi duela.

Une horretatik aurrera, kontsigna da “disimulatu zeure alaitasuna”… Gorabehera ugari, zein baino zein bitxiagoak, gertatuko dira egun nahasi honetan zehar…

Emanaldia amaitzean, solasaldia konpainiarekin: Antzerkia bilakaera pertsonalerako bide gisa.