Ama Kuraia [dFERIA]

Gerra beti izan da negozioa. Eta Ana Fierling-ek badaki hori. Horregatik dabil bi semeekin eta alabarekin basakeriaren artean. Alde batekoei eta bestekoei zerbitzatzen diete, eta aldi berean ez batekoei ez bestekoei. Bitartean, historia epiko hau gertatzen da, ardatz nagusitzat gizakien biziraupenaren ankerkeria duena. Materialismoak gaina hartzen dio tragediari, gerrak sorgortu egiten gaitu, eta gizakiok ikasi gabe jarraitzen dugu, akats berberak eginez.

Gaur egun, basakeria egunero irensten dugu telebistatik, eta guztiz inmunizatuta gaude. “Ama Kuraia” horrentzat Suedia, Alemania eta Polonia urrun daude eta, horregatik, definiziorik behar ez duen denboraz gaindiko gerrako espaziora garamatza, zoritxarrez, bertako erreferenteak egunero eguneratzen baitira.

Ama Kuraia Bertolt Brecht-en Ama Kuraia eta bere semeak klasikoan oinarritua da, eta Arriaga Antzokiak ekoitzi du.

Zuzendaria eta moldaketaren arduraduna: María Goiricelaya.

Egilea: Bertolt Brecht.

Euskarara moldaketa eta zuzendari laguntzailea: Kepa Errasti.

Antzezleak: Itziar Lazkano, Ione Irazabal, Ane Pikaza, Eneko Sagardoy, Mikel Losada, Miren Gaztañaga, Iñaki Urrutia, Gabriel Ocina, Alfonso Díez, Kepa Errasti, Aitor Borobia, Adrián Garcia de los Ojos, Mikel Martínez.

Parte hartze berezia: Bilboko Koral Elkartearen Euskeria Korua.