Ballet T egitauaren barruan, Malandain Ballet Biarritz -ek Mozart à 2 & Sinfonia ikuskizunaren entsegu irekia egingo du Victoria Eugenia Antzokian.

Malandain Ballet Biarritzen unibertsoa ezagutzeko aukera izango dugu. Ikuskizunaren zenbait zatien aurkezpena eta gero ikusleek koreografo eta dantzariekin solasaldia egiteko aukera izango dute.

Sarrera dohainik izango da. Bi sarrera gehienez pertsona bakoitzeko. Entsegu irekian parte hartzeko nahitaezkoa da erreserba egitea. Plaza-kopurua mugatua da, beraz onarpena izen emate lehentasunaren arabera izango da.

Mozart à 2

Mozart à 2, 1997an Temps Présent konpainiarentzat sortutako balleta, egun Leipzig Ballet-en (Alemania) eta Wiener Staatsballet-en (Austria) errepertorioan, amodio-kontuez ari da Mozart-en pianorako kontzertuen doinuen gainean.

Musika: Wolfgang Amadeus Mozart

Koreografia: Thierry Malandain

Jantziak: Jorge Gallardo

Argiztapena: Jean-Claude Asquié

Iraupena: 35 minutu

12 dantzariz osatutako balleta.

Sinfonia

Bigarren partean, Sinfonia lanaren premièrea, 2020. urteko bigarren konfinamenduko ilunaldi eta ziurgabetasunetan garatua, inguruabarrei erantzuten dien pieza gisa ikus liteke. Luciano Berioren partitura bat oinarri duela, 1960ko urteetako musikaren monumentutzat jotzen duten lan honek mugarria, ertza eta hesia du gai nagusi, baina, jakina, esan ohi denez, gertaerekiko edozein antz kasualitate hutsa litzateke nahitaez.

Musika: Luciano Berio

Koreografia: Thierry Malandain

Eszenografia eta jantziak: Jorge Gallardo

Argiztapena: François Menou

Jantzien diseinua: Véronique Murat

Iraupena: 28 minutu

20 pertsonek osatutako balleta.

Koprodukzioa: Donostia Kultura – Victoria Eugenia Antzokia – Ballet T, CCN – Malandain Ballet Biarritz.