Larunbat honetan bideo txapelketaren sariak banatuko dira!!
20. Dantza eta Antzerki astea aurrera doa martxa ezin hobean. Gaur osteguna, ekainak 9, antzerki saio gehiago izango dira Kultur Etxean. Bihar ostirala, antzerkiarekin batera, Dantza Garaikidearen ordua iritsiko da. Eta larunbatean, ekainak 11, Euskal Dantza eta Euskal Dantza Sorkuntzako ikuskizun paregabea eskainiko dute Kukuka eskolako dantzariek.
Egunero, antzerki eta dantza saioen aurretik, II. Bideo Txapelketan parte hartu duten bideoak proiektatzen dira Kultur Etxean. Aurten bi bideo zoragarrik hartu dute parte, eta sari banaketa larunbat honetan izango da, arratsaldeko 20:00etan dantza emanaldia hasi baino lehen.
Hauek dira sariak:
• I. Saria: 4 lagunentzako bazkaria Avenida Tabernan + 50 euroko deskontua 22-23 ikasturteko matrikulan
• II. Saria: 50 euroko deskontua 22-23 ikasturteko matrikulan
